A Casa Do Pan é unha panadería tradicional situada en Puente Liñares, na Estrada, onde levamos toda a vida adicados á produción artesanal de pan e produtos de panadería.
O noso negocio comezou cos nosos avós e hoxe en día continúa a ser unha empresa familiar, mantendo o mesmo compromiso coa calidade, a artesanía e a estreita relación cos clientes.
Ao longo dos anos mantivemos a esencia da panadería tradicional: un obradoiro onde cada produto se elabora con coidado, respectando os tempos de fermentación e empregando ingredientes escollidos.
Tradición e experiencia familiar
A historia da nosa panadería está ligada á tradición panadeira gallega. Xeración tras xeración, mantivemos a mesma ética de traballo, priorizando a calidade por riba da produción industrial.
Na nosa panadería elaboramos pan artesán, empanadas, doces e bolos todos os días, mantendo receitas tradicionais que forman parte da nosa identidade.
O pan prepárase con fariñas locais e unha coidada fermentación, e cócese nun forno de leña, unha técnica tradicional que lle dá ao pan o seu sabor e textura característicos.
Fai o teu pedido
Ingredientes de orixe local e produtos locais
Un dos piares do noso traballo é o noso compromiso cos produtos locais.
Sempre que é posible empregamos ingredientes de provedores locais e produtores galegos, desde peixe das rías ata carne de carnicerías locais ou froita de produtores próximos.
Esta forma de traballar permítenos ofrecer produtos máis frescos e manter unha estreita relación cos negocios locais.
Obradoiro e tenda na Estrada
O noso establecemento combina un obradoiro e unha tenda, o que nos permite producir os nosos produtos a diario e ofrecelos directamente ao público.
Abrimos todos os días da semana, incluídos os domingos e festivos pola mañá, para que os nosos clientes poidan desfrutar de pan acabado de facer e produtos de calidade.
Tamén ofrecemos entrega a domicilio na zona, o que facilita que os nosos clientes reciban pan e outros produtos sen saír de casa.